Janë konfirmuar edhe 249 raste të reja me COVID-19 ndërsa 538 pacientë janë shëruar nga ky virus, ka njoftuar ministri i Shëndetësisë, Armend Zemaj, shkruan Gazeta Sinjali.
Ai po ashtu tregoi se ka ndryshuar lista e komunave në zonë të kuqe, verdhë e gjelbër.
Zemaj njoftoi se në zonën e kuqe janë: Prishtina, Fushë Kosova, Obiliqi, Mitrovica e Jugut, Mitrovica e Veriut, Podujeva, Zveçani dhe Zubin Potoku.
Në zonën e verdhë janë 11 komuna: Kamenica , Gjakova, Gjilani, Peja, Vushtrria, Ferizaji, Shtërpca, Leposaviqi, Lipjani, Graçanica dhe Novobërda.
Ndërsa në zonën e gjelbër janë 19 komuna: Drenasi, Klina, Hani i Elezit, Shtimja, Suhareka, Skënderaji, Malisheva, Parteshi, Rahoveci, Prizreni, Deçani, Kaçaniku, Juniku, Dragashi, Mamusha, Kllokoti, Vitia, Istogu dhe Ranillugu.
