Policia e Kosovës ka njoftuar se e ka ndëshkuar me 500 euro gjobë dhe 6 muaj ndalim për të drejtuar automjete një person i cili po e ngiste veturën me 222 km/2 në autostradë, raporton Gazeta Sinjali.
Policia, madje në fletën e gjobitjes ka shkruar se ai ka rrezikuar edhe zyrtarin policor.
“Mos respektimi i kufizimit të shpejtësisë! Njësia për Kontroll të Autostradave në zonën ku kufizimi i shpejtësisë është 100 km/h ka identifikuar shoferin duke drejtuar mjetin me shpejtësi 222 km/h, i njëjti është gjobitur 500 € dhe 6 muaj i është ndaluar drejtimi i mjetit me veprim motorik”, thuhet në njoftimin e Policisë.