Gjithsej 28 parti politike, përfshirë koalicionet kanë qenë në garë për zgjedhjet e parakohshme parlamentare të cilat u mbajtën dje, e diel më 14 shkurt 2021.

Nga të gjitha këto parti, 22 parti politike nuk kanë arritur të marrin as nga 1 për qind të votave.

Sipas rezultateve preliminare, të publikuara në faqen zyrtare të Komisionit Qendror të Zgjedhjeve pas numërimit të gati 100% të votave, partitë që kanë më së paku vota në këto zgjedhje janë Partia Fjala dhe Partia Balliste.

Ndërkaq edhe 20 parti të tjera, përfshirë këtu edhe shumë parti të minoriteteve nuk kanë arritur të grumbullojnë vota për të kaluar 1 përqindëshin./Gazeta Sinjali/