Instituti Epik ka publikuar disa statistika për vendet e Ballkanit Perëndimor se sa kohë iu desh për të fituar liberalizimin e vizave me shtetet e Bashkimit Europian.
Sipas kësaj grafike, Kosova theu rekord me 12 vjet pritje për këtë proces, ndërsa pasohet nga Bosnja me nëntë vjet.
Por, Serbisë Malit të Zi e Maqedonisë së Veriut për vetëm dy vjet iu hoqën vizat.
Deri sa presim votimin final për liberalizimin e vizave për Kosovën nga ana e Parlamentit Evropian kujtojmë se ky proces zgjati më së gjati në historinë e procesit të liberalizimit të vizave. pic.twitter.com/xI1DAvpFQq
— EPIK Institute (@epikinstitute) April 18, 2023
Sot Parlamenti Europian ka miratuar dokumentin për liberalizimin e vizave për Kosovën, i cili nesër pasohet me nënshkrimin zyrtar dhe shënon hapin procedurën përfundimtare para se vendimi të publikohet në Gazetën Zyrtare.
Sipas vendimit të dakorduar të institucioneve të BE-së, qytetarët e Kosovës do të mund të lëvizin pa viza në zonën Schengen nga 1 janari 2024.
