Pandemia e koronavirusit ka ndryshuar mënyrën e jetesës së njerëzve, duke shkaktuar edhe krizë ekonomike. Por sipas ekspertëve, kjo mund të ndryshojë sjelljen seksuale dhe sociale te të rinjtë.

Laura Lindberg, një studiuese në Institutin Guttmacher, shprehet qartë se të rinjtë “nuk janë mirë”.

Sipas saj, një numër i madh i të rriturve po raportojnë mendime vetëvrasëse dhe “kufizimet për zhvillimin dhe mbajtjen e intimitetit në pandemi po godasin të rinjtë rëndë”, raporton The New York Times.

Shumë të rritur aktualisht jetojnë me prindërit e tyre pothuajse 24/7 dhe të afërm të tjerë, gjë që jo vetëm që shkakton stres mendor, por gjithashtu shkakton presion për shkak të rritjes së përgjegjësive familjare.

Një profesor i pediatrisë, popullatës dhe shëndetit të familjes në Universitetin “Columbia Irving Medical Center”, David Bell, i cili ishte bashkautor i një artikulli së bashku me studiuesin kryesor Lindberg, tha se “sapo të hyjnë në shtëpinë e prindërve të tyre, padyshim autonomia e tyre dhe ndryshimet e privatësisë ndikojnë në sjelljen e tyre”. /Gazeta Sinjali/