Me kërkesë të ministrit të Tregtisë dhe Industrisë, Vesel Krasniqi, sonte kryeinspektori i MTI-së, bashkë me inspektoratin kanë kryer inspektime në lokalet e Prishtinës.

Arsyeja e inspektimit ka qenë respektimi i rregullave të Institutit Kombëtar të Shëndetësisë Publike të Kosovës dhe Ministrisë së Shëndetësisë për t’u mbrojtur nga COVID-19.

Po ashtu Inspektorati i MTI-së ka kryer inspektimet rutinore që bien në përgjegjësi të këtij institucioni.

Bizneset janë këshilluar si ta ushtrojnë veprimtarinë pa rrezikuar konsumatorët dhe stafin e tyre, duke vendosur maska dhe mbajtur distancën e paraparë me udhëzimet e institucioneve.

Kryeinspektori Syla tha se inspektimet do të jenë të vazhdueshme edhe ditët e ardhshme, në koordinim me institucionet tjera të Kosovës./ Gazeta Sinjali/