Arkadiusz Milik më në fund e ka përfunduar transferimin e tij te Olympique Marseille, ku kalon si huazim me detyrim blerje.
Ai fluturoi për në Francë, ku i kaloi testet mjekësore para se klubit ta zyrtarizojë në mbrëmje.
Marseille do të paguajë 8 deri në 9 milionë euro, ku parashihen edhe bonuse prej 3-4 milionë euro.
Napolin do të marrë edhe 20 për qind të lëvizjes së ardhme të lojtarit polak.
Para se të largohej, polaku u detyrua të nënshkruante një kontratë të re me Napolin deri në qershor 2022, por kjo ishte thjesht formalitet pasi Marseille ka nënshkruar me të kontratë për 18 muaj huazim me detyrimin blerje.
Milik mbush 27 vjeç dhe Napoli e bleu atë nga Ajax në vitin 2016 për 32 milionë euro.
Polaku do ta bartë fanellën me numrin 19, që për shumë vite është bartur nga legjenda shqiptare e këtij klubi, Lorik Cana.