Policia e Kosovës ka konfiskuar një pistoletë, një pushkë gjuetie, një AK/47, 23 fishekë të kalibrave të ndryshëm gjatë operacionit ku u arrestuan katër persona për vrasjen e 17-vjeçarit në Prishtinë.
“Si provë materiale është konfiskuar një pistoletë e cila dyshohet të jetë përdorur në rast. Ndërsa gjatë kontrollit në shtëpinë e të dyshuarit mashkull kosovar, në fsh. Tërnavë-Podujevë janë gjetur dhe konfiskuar: një pushkë gjuetie, një AK/47, 23 fishekë të kalibrave të ndryshëm”, thuhet në raportin e Policisë.
Katër të dyshuarit pas intervistimit janë dërguar në mbajtje për 48-orë.
Lëkë Bulliqi, 17-vjeçar, nuk kishte mundur t’u mbijetojë plagëve të marra pasi u qëllua me armë zjarri dje në Prishtinë./Gazeta Sinjali/