Një person është gjetur i vdekur në lagjen “Tanki Zabel” në Novobërdë, raporton Gazeta Sinjali.
Burime të Gazetës Sinjali kanë bërë të ditur se rastin në polici e ka raportuar nipi i viktimës, i cili ka thënë se gjyshi i tij ka bërë vetëvrasje duke e goditur veten me thikë në gjoks.
Viktima është e nacionalitetit serb.
Burime nga shtëpia e shëndetit i kanë thënë Sinjalit se ekipi mjekësor e kanë konstatuar në vend vdekjen e viktimës.
Gazeta Sinjali gjithashtu ka mësuar se trupi i pa jetë i viktimës është dërguar në IML për obduksion.