Një vetaksident trafiku ka ndodhur sot në Veternik, ku për pasojë një person ka pësuar lëndime trupore dhe është dërguar për trajtim mjekësor, raporton Sinjali.
Lajmin e ka konfirmuar Policia dhe ka bërë të ditur se ka nisur hetimet për zbardhjen e shkaqeve të vetaksidentit.
“Sot rreth orës 14:00, në Veternik, ka ndodhur një aksident trafiku, ku është përfshirë një veturë. Si pasojë e aksidentit një person ka pësuar lëndime trupore dhe i njëjti është dërguar për trajtimin e nevojshëm mjekësor. Policia ka nisur një hetim për zbardhjen e shkaqeve të këtij vetaksidenti”, tha zëdhënësja e Policisë, Flora Ahmeti.