image Vdes ish-gazetari i RTP-së, Nexhmedin Paloja

Kosovë

Vdes ish-gazetari i RTP-së, Nexhmedin Paloja

news image

Mbrëmë, pas një sëmundjeje të gjatë, në moshën 74-vjeçare ka ndërruar jetë ish-gazetari i Radio Prishtinës, Nexhmedin Paloja.

Nexhmedin Paloja u lind në Gjakovë më 6 nëntor të vitit 1945. Ai ishte i diplomuar në Fakultetin Juridik në Universitetin e Prishtinës, ndërsa studimet i vazhdoi edhe në Paris të Francës për gazetari.

Ai dha kontribut të madh si gazetar në Radio Prishtinë, ku punoi për 28 vite, deri në vitin 1990, kur shqiptarët u dëbuan nga puna me dhunë nga agresori serb.

Nexhmedin Palojës do t’i jepet lamtumira e fundit sot në varrezat e qytetit në Prishtinë. /Gazeta Sinjali