image Vdes edhe një person nga koronavirusi në Kroaci, infektohen edhe 64 të tjerë

Botë

Pandemia/ Vdes edhe një person nga koronavirusi në Kroaci, infektohen edhe 64 të tjerë

news image

64 infeksione të reja me koronavirus u konfirmuan brenda 24 orësh, 40 persona u shëruan dhe një vdiq, njoftoi sot Selia Kombëtare e Mbrojtjes Civile e Kroacisë.

“Në periudhën e kaluar 24-orëshe, kemi 64 pacientë të ri me COVID-19 ose gjithsej 1407 pacientë,” tha ministri i Shëndetësisë Vili Beros.

Gjithsej 20 njerëz vdiqën nga koronavirusi, ndërkohë që 34 pacientë janë vendosur në respirator, 326 pacientë janë të shtruar në spital dhe 842 njerëz janë vendosur në shtëpi.

Numri i njerëzve të shëruar brenda 24 orëve të fundit është 40, duke çuar bilancin e përgjithshëm në 219.