Gjatë 24 orëve të fundit, Turqia ka konfirmuar 62 mijë e 797 raste të reja me koronavirus dhe 297 të vdekur si pasojë e infektimit me këtë virus.

Numri i përgjithshëm i rasteve ka shkuar në mbi 4 milionë, kurse numri i të vdekurve në 34 mijë e 734, sipas Ministrisë së Shëndetësisë, shkruan Anadolu.

Rreth 55 mijë e 413 pacientë të tjerë kanë fituar betejën e tyre kundër virusit, duke e çuar numrin e përgjithshëm të të shëruarve në 3.48 milionë.

Numri i pacientëve me COVID-19 në gjendje kritike qëndron në 3 mijë e 18, treguan shifrat e fundit.

Mbi 42.5 milionë teste janë bërë në Turqi deri më tani, duke përfshirë 310 mijë e 420 gjatë ditës së kaluar./Gazeta Sinjali/