Në kufirin në mes të Turqisë me Iranin, kanë filluar punimet për ndërtimin e një muri me qëllim të parandalimit të fluksit të ri të refugjatëve, kryesisht nga Afganistani.

Një pjesë e murit 5 km të gjatë dhe 3 metra të lartë është në ndërtim e sipër, pasi që Turqia po synon ta zgjasë atë deri në 295 km në kufirin e saj iranian, të përforcuar nga telat me gjemba.

Presidenti turk, Erdogan, është shprehur se Turqia do të punojë me Pakistanin për parandalimin e një vërshimi të ri të refugjatëve

“Turqia po përballet me një valë migrimi në rritje të afganëve që kalojnë përmes Iranit. Ne do të vazhdojmë përpjekjet për të mundësuar kthimin e stabilitetit në rajon, duke filluar nga Afganistani. Për ta bërë këtë, ne duhet të ndjekim dhe forcojmë bashkëpunimin tonë me Pakistanin. Ne jemi të vendosur për të mobilizuar të gjitha mjetet në dispozicion për të pasur sukses.”

VIDEO: Turkey is building a 295km long wall on its Iranian border, beefed up by barbed wires and trenches to stop influx of refugees from Afghanistan as the Taliban take over the country #NTVNews

????AFP pic.twitter.com/YeMaHbN2p7

— NTV UGANDA (@ntvuganda) August 16, 2021

Turqia ka disa qindra ushtarë të vendosur në Afganistan dhe ka ofruar të marrë përgjegjësinë për sigurinë në aeroportin ndërkombëtar të Kabulit, pasi ShBA të përfundojë tërheqjen e saj ushtarake, me kusht që të ketë mbështetje financiare dhe logjistike.

Erdogan gjithashtu ka propozuar të takohet me udhëheqësit talebanë për bisedime.

Ardhja e emigrantëve afganë në kufirin lindor të Turqisë është bërë një temë e nxehtë politike në Ankara, me opozitën që i bën presion qeverisë që të marrë masa të forta për të ndaluar fluksin./GazetaSinjali/