Në tri vende të rajonit nuk është paraqitur asnjë rast i ri me koronavirus.

Në Mal të Zi janë bërë 47 teste, ndërsa nuk është zbuluar asnjë rast me COVID-19. Sipas gazetës Vijesti në Mal të Zi aktualisht është vetëm një i sëmurë me koronavirus. Në Mal të Zi janë raportuar gjithsej 324 raste, ndërsa 314 janë të shëruar.

Raste të reja nuk janë paraqitur as në Kroaci, ndërsa janë bërë 953 testime në 24 orët e fundit. Në respirator vazhdojnë të mbesin gjashtë pacientë. Në Kroaci nga COVID-19 janë prekur 2 mijë e 243 persona. 99 persona kanë vdekur si pasojë e komplikimeve të shkaktuara nga koronavirusi.

Në Slloveni janë testuar 677 persona në 24 orët e fundit, ndërsa po ashtu nuk është regjistruar asnjë rast. Në Slloveni është vazhduar trendi pozitiv i dy javëve të fundit. Janë raportuar 105 të vdekur në Slloveni deri më tani./GazetaSinjali/