Një aksident trafiku ka ndodhur sot rreth orës 12:30 në Krushevë të Klinës, ku treni ka goditur një veturë, shkruan Gazeta Sinjali.
Nga ky aksident ka mbetur i lënduar një person, i cili më pas është dërguar për trajtim të mëtutjeshëm në Spitalin e Pejës.
Lajmin për Gazetën Sinjali e ka konfirmuar zëdhënësi i policisë për rajonin e Pejës, Driton Rugova.
“Sot rreth orës 12:35 policia është informuar se në fshatin Krushevë, komuna Klinë ka ndodhur një aksident mes trenit dhe një veture. Si pasojë e këtij aksidenti një person ka pësuar lëndime trupore, i njëjti është dërguar në spitalin rajonal për trajtim të mëtutjeshëm”, tha ai për Sinjalin.
