Tre persona kanë mbetur të lënduar nga një shpërthim i një bombe të Luftës së Dytë Botërore afër stacionit të trenit në Munich të Gjermanisë. Njëri nga të plagosurit raportohet se është në gjendje të rëndë.
Zëdhënësi i policisë ka thënë se ende nuk nuk ka asnjë provë për vepra penale.
Policia nuk e ka konfirmuar burimin e shpërthimit, por burimet thanë për Bild se ai ishte shkaktuar nga një bombë avioni e pashpërthyer më parë nga Lufta e Dytë Botërore.
Kurse ministri i Brendshëm, Joachim Herrmann, tha se gjatë shpimit, u godit një bombë ajrore me peshë 250 kilogramë nga Lufta e Dytë Botërore.
“Mbeturinat fluturuan qindra metra. E gjithë zona po kërkohet aktualisht”, ka thënë ai.