Pyetjet lidhur me kryeministrin në detyrë Albin Kurtin, nuk kanë munguar as gjatë vizitës së presidentit Hashim Thaçi në Odën Ekonomike të Kosovës.
Thaçi deklaroi se e ka ditur që Kurti do të largohet para përfundimit të mandatit të tij, ndonëse, siç tha, “ka ardhë me yryshin e shkarkimit të presidentit”, shkruan Gazeta Sinjali.
“Ai ka ardhë me yryshin e shkarkimit të presidentit, por pata deklaruar edhe në atë kohë se ai ka me shku para presidentit”, deklaroi Thaçi para gazetarëve duke qeshur.
Ai gjithashtu tha se “Kurti dhe grupi i tij” duhet të përballen me drejtësinë për shkak të “veprimeve të tyre kriminale”. /Gazeta Sinjali/
