image Temperatura deri në 34 gradë, ky është parashikimi i motit për javën e parë të korrikut - Sinjali

Temperatura deri në 34 gradë, ky është parashikimi i motit për javën e parë të korrikut

news image

Instituti Hidrometeorologjik i Kosovës ka njoftuar se ditët e para të muajit korrik do të karakterizohen me mot të ngjashëm me ditët e fundit të qershorit, raporton Gazeta Sinjali.

Sipas IHMK-së, kjo situatë vjen si pasojë e temperaturave të larta dhe formimin e vranësirave konvektive në stadet e ulëta dhe të mesme të troposferës.

“Muaji qershor u përmbyll me dy goditje të masave të nxehta të ajrit të ardhura nga Afrika Veriore, por që këto masa të ngjashme vazhdojnë të mbeten prezent mbi gadishullin tonë deri me datë 6-7 korrik dhe vlerat e këtyre temperaturave të larta do të krijojnë kushte për stuhi lokale të përcjellura me reshje dhe shkarkime rrufesh”.

“Temperaturat minimale do të lëvizin ndërmjet 14-17 gradë Celsius, ndërsa maksimalet e ditës parashihen të lëvizin ndërmjet 30-34 gradë Celsius. Indeksi UV vazhdon të mbetet i lartë dhe bëjmë apel që të respektohen këshillat e IHMK dhe të IKSHP. Do të fryjë erë e lehtë dhe lokalisht e fortë nga drejtimi i perëndimit dhe veriperëndimit”, thuhet në njoftim.

/GazetaSinjali/


Shpërndaje artikullin