Një taksist 71-vjeçar, është vrarë dje në Fushë-Prezë të Shqipërisë.

Siç raportojnë mediat në Shqipëri, një makinë tjetër që drejtohej nga dikush u afrua pranë “labidarit” ku po qëndronte taksisti.

“Dikush zbriti nga vendi i pasagjerit të makinës së autorëve e qëlloi me kallashnikov. Më pas makina e autorëve është larguar”, tregojnë dëshmitarët.

Dyshimet janë se mund të ketë qenë një ngatërrim shënjestre pasi në vendin ku ndodhej ai, tek lapidari ndodheshin dhe persona të tjerë.

Ndërkohë, që nga marrja në pyetje as viktima dhe as fëmijët e tij nuk figuron të kenë pasur konflikte të mëparshme që mund të kenë çuar në vrasjen e 71-vjeçarit./Gazeta Sinjali/