Deputeti i Kuvendit të Kosovës nga radhët e Partisë Demokratike, Abelard Tahiri e ka quajtur Qeveri të Stagnimit, atë të udhëhequr nga ish-kryeministri në detyrë, Albin Kurti, ndërsa thotë se sot u votua Qeveria e Status Quo-së, e cila do të udhëhiqet nga kryeministri i ri, Avdullah Hoti.

Sipas Tahirit, Qeveria është shndërruar nga një Qeveri e integruar nën urdhrat e një njeriu arbitrar, në një Qeveri të dezintegruar nën urdhrat e hisedarëve të saj, transmeton Gazeta Sinjali.

“Prej një Kryeministri arrogant në uzurpim e keqqeverisje, në një Kryeministër të pafuqishëm. Kjo Qeveri nuk është e aftë për t’u bërë ballë sfidave që e presin Kosovën. Gjithsesi, PDK do jetë opozitë përballë kësaj Status Quo-je, siç ishte opozitë përballë rënies së demokracisë nën diktatin e Albin Kurtit”, ka shkruar ai në rrjetin social Facebook.

Me tej, Tahiri thotë se qytetarët meritojnë zotimin e politikanëve për demokraci, zhvillim e barazi./Gazeta Sinjali/