Kandidati për deputet nga Partia Demokratike, Abelard Tahiri, ka vlerësuar se Vetëvendosja po vazhdon t’u ikë debateve në prag të zgjedhjeve elektorale, madje ndonëse nuk ka nisur zyrtarisht, fushatën e saj e ka quajtur të çuditshme.
Tahiri në t7 ka thënë se, ndonëse qëndron mirë në sondazhe, Lëvizja Vetëvendosje si subjekt politik nuk ka persona adekuat për prezantimin e një programi politik.
“Kjo është fushata më e çuditshme, sepse shohim abstenim të madh nga prezenca e VV-së. Bartë një pjesë të madhe të përgjegjësisë në dështimin e ndodhur më 2020-ën. Politika për ta po duket si një lloj monologu. VV-ja nuk ka njerëz me ekspertiza të duhura. Ajo mund të jetë mirë në sondazhe, por si parti politike iu mungon prezenca e njerëzve që prezantojnë programe politike”, ka deklaruar Tahiri.
Tahiri madje ka kritikuar edhe qeverisjen në krye me Albin Kurtin.
“Është e vërtetë që këto zgjedhje janë në mes të PDK-së dhe VV-së. Ose do të zgjedhim rrugën e izolimit apo degradimit, ose do të zgjedhim rrugën e rimëkëmbjes së vendit tonë. Qytetarët thonë se vitin 2020 vetëm era shtet nuk ka ardhë. Kjo qeveri filloi me teste të Serbisë dhe përfundoi me vaksina të saj”, deklaroi ai.
