image Suspendohet zyrtari i KPK-së dhe asistentja e tij - Sinjali

COVID-19

Të infektuar

97.996

Të shëruar

82.064

Të vdekur

1.988

Suspendohet zyrtari i KPK-së dhe asistentja e tij

news image

Këshilli Prokurorial i Kosovës ka njoftuar se ka suspenduar Drejtorin e Përgjithshëm të Sekretariatit, Lavdim Krasniqi, me pagesë 50 për qind të pagës deri në marrjen e vendimit përfundimtar nga gjykata, si dhe asistentes së tij.

Sipas njoftimit të prokurorisë, Krasniqi dhe asistentja e tij dyshohet se kanë kryer veprat penale “Keqpërdorim i pozitës apo autoritetit zyrtar”, “Ushtrim i ndikimit”, “Dhënia e ndihmës kryesve pas kryerjes së veprave penale”, nga neni 380 të KPRK-së, si dhe “Moslajmërimi i përgatitjes së veprave penale”.

Komunikata e plotë:

Prishtinë, 2 mars 2021 – Këshilli Prokurorial i Kosovës (KPK), pas fillimit të procedurës penale ndaj Drejtorit të Përgjithshëm të Sekretariatit (SKPK), Lavdim Krasniqi, me dyshimin për veprat penale Keqpërdorim i pozitës apo autoritetit zyrtar”, “Ushtrimi i ndikimit”, dhe “Dhënia e ndihmës kryesve pas kryerjes së veprave penale”, ka marrë vendim për suspendimin e të njëjtit me pagesë 50 për qind të pagës deri në marrjen e vendimit përfundimtar nga gjykata kompetente.

Po ashtu, sot Sekretariati i Këshillit Prokurorial të Kosovës ka marrë vendim për suspendimin e një zyrtareje të Sekretariatit, si e dyshuar për veprën penale “Moslajmërimi i përgatitjes së veprave penale”.

Me qëllim të vazhdimit të funksionimit të administratës së sistemit prokurorial në përgjithësi, KPK-ja po sot caktoi Ushtrues të Detyrës së Drejtorit të Përgjithshëm të SKPK-së, Valdrin Krasniqin – Udhëheqës i Zyrës Ligjore. ​ 

/GazetaSinjali/


Shpërndaje artikullin