image Sot votohet Raporti për Kosovën në Komitetin për Punë të Jashtme të PE-së, vizat e dialogu temat qendrore - Sinjali

COVID-19

Të infektuar

68.351

Të shëruar

59.438

Të vdekur

1.592

Sot votohet Raporti për Kosovën në Komitetin për Punë të Jashtme të PE-së, vizat e dialogu temat qendrore

news image

Në Komitetin për Punë të Jashtme të Parlamentit Evropian sot do të votohet Raporti për Kosovën, e vizat dhe dialogu në mes të Kosovës dhe Serbisë janë dy temat qendrore, transmeton Gazeta Sinjali.

Kështu ka bërë të ditur deputeti austriak në Parlamentin Evropian, Lukas Mandl.

“Sot do të votojmë në Komitetin për Punë të Jashtme në Parlamentin Evropian, Raportin për Kosovën, që unë e kam negociuar të emër të Grupin EEP. Ne kemi përfshirë mesazhe të forta mbi liberalizimin e vizave, njohjen, dialogun Kosovë-Serbi dhe perspektivat për të rinjtë në digjitalizimin dhe fusha të tjera”, ka shkruar ai në një postim në Twitter.

Kosova ka përmbushur shumicën e kritereve të vendosura nga BE-ja për të fituar liberalizimin e vizave.

Në ndërkohë çështja e dialogut në mes të Kosovës dhe Serbisë ka mbetur pezull për shkak të zgjedhjeve që së fundmi janë mbajtur në Kosovë.

Deri në formimin e institucioneve pritet që të mos ketë një takim të radhës në mes të Kosovës dhe Serbisë.

Të paktën kështu ka deklaruar së fundmi, përfaqësuesi i BE-së për dialogun Kosovë-Serbi, Miroslav Lajçak.

Ai tha po ashtu se nuk pret që gjatë këtij vitit të arrihet një marrëveshje finale në mes të Kosovës dhe Serbisë. /Gazeta Sinjali/


Shpërndaje artikullin