Kryeministri i Kosovës, Avdullah Hoti sot do të mbajë takim me komitetin e menaxhimit të pandemisë, ku do të vendos se a do të shpallet ose jo gjendja e jashtëzakonshme.
Hoti tha se disa kryetarë e kanë përkrahur këtë propozim. Mirëpo një gjendje të tillë, nuk po e duan bizneset e as qytetarët e vendit.
Gjendja e jashtëzakonshme që pritet të propozohet nuk do të përfshijë bllokimin total të Kosovës, por vetëm ashpërsim të masave.
Presidenti i vendit, bazuar në kompetencat kushtetuese, është ai që mund të kërkoj shpalljen e gjendjes së jashtëzakonshme.
Vendimin përfundimtar për gjendjen e jashtëzakonshme e merr Kuvendi i Kosovës me votat e dy të tretave të deputetëve që janë të pranishëm në seancë./Gazeta Sinjali/