KB Ylli ka marrë një iniciativë humanitare për ta ndihmuar Valentina Ibrahimin, e cila është diagnostifikuar me sëmundjen e Leukemisë Akute.
KB Ylli i ka vendosur në shitje fanellat sportive të basketbollistëve të veshura në Super Kupën e Kosovës dhe të gjitha paratë e mbledhura nga shitja e këtyre fanellave do të dhurohen për shërimin e Valentina Ibrahimit, transmeton Sinjali Sportiv.
Postimi i plotë i KB Yllit, pa ndërhyrje:
Ta ndihmojmë Valentinen
Golden Eagle Ylli ka vendosur që t’i dalë në ndihmë Valentina Ibrahimit e diagnostifikuar me Leukemi Akute, ajo në këto momente është duke u trajtuar në Turqi.
Golden Eagle Ylli i ka vendosur në shitje fanellat sportive të basketbollistëve të veshura në Super Kupën e Kosovës.
Secili nga ju mund të ndihmojë Valentinen me blerjen e një fanelle, paratë e grumbulluara do t’i dorëzohen familjes Ibrahimi !