Pasditen e sotme, në fshatin Lladrovc të Malishevës kanë shpërthyer dy vatra zjarri fushore dhe malore, mirëpo të njëjtat janë lokalizuar nga zjarrfikësit dhe vullnetarët, raporton Gazeta Sinjali.

Kështu ka bërë të ditur Komuna e Malishevës përmes një komunikate për media.

“Sot në orët e pasdites, në fshatin Lladrovc të Komunës së Malishevës, kanë shpërthyer dy vatra zjarri fushore dhe malore, por falë angazhimit të njësisë së zjarrfikësve, ekipeve tjera komunale, policisë dhe vullnetarëve, është arritur të lokalizohet zjarri”, thuhet në komunikatën e kësaj komune.

Në këtë kumtesë bëhet e ditur se zjarret e sotme kanë rrezikuar shtëpitë e banimit, por falë intervenimit të banorëve të fshatit, përfshirë edhe mërgimtarët, është arritur të lokalizohen dhe të mbahen në kontroll./Gazeta Sinjali/