12 persona kanë humbur betejën me koronavirusin gjatë 24 orëve të fundit në Gjermani, ka bërë të ditur instituti gjerman për sëmundje ngjitëse “Robert Koch”.

Në këtë mënyrë, numri i përgjithshëm i viktimave nga ky infeksion shkoi në 9 mijë e 195, shkruan “Reuters”.

Përpos rasteve fatale, gjatë kësaj periudhe u shënuan edhe 1 mijë e 122 raste të reja dhe shifra e përgjithshme e të prekurve shkoi në 215 mijë e 336.

Ndryshe, qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera.

Për rritjen e rasteve të reja, Gjermania ka akuzuar qytetarët që po kthehen nga shtetet tjera, veçanërisht ata nga Ballkani Perëndimor dhe Turqia. /Gazeta Sinjali/