Kryetari i Aleancës për Shqiptarët, Ziadin Sela foli për rastin “Monstra’ dhe për ngjarjet e fundit në Maqedoni të Veriut, transmeton Gazeta Sinjali.

Sipas tij, në rastin “Monstra” nuk është siguruar asnjë dëshmi që nga vitit 2012 dhe se ky rast është i montuar politik.

“Në disa paraqitje publike, Zaev doli dhe tha zëshëm se njerëz të pafajshëm rijnë në burgje për rastin ‘Monstra’ dhe se e vërteta është monstruoze”, tha Sela në RTSH.

Sela po ashtu tha se Zaevi nuk publikoi përgjimet as gjatë vitit 2015 për shkak se nuk kanë qenë kushtet, por as tani dhe se për këtë duhet të mbajë përgjegjësi.

“Qytetarët shqiptarë janë të revoltuar dhe kërkojnë përgjegjësi. Zaev e ka patjetër të nxjerr të vërtetën për rastin “Monstra””, tha mes tjerash Sela duke thënë se shqiptarët gjatë vitit 2016 votuan Zaevin pikërisht për deklaratat e këtilla të tij. /Gazeta Sinjali/