Në Klinikën Infektive në QKUK janë lajmëruar edhe 10 raste të reja, të dyshuar për koronavirus, raporton Gazeta Sinjali.
Rezultatet e pacientëve pritet të publikohen sot pasdite, konkretisht pas orës 18:00-19:00 konfirmuan nga IKSHPK për Gazetën Sinjali.
Ndërkohë, në IKSHPK po presin edhe mostra të reja nga Klinika Infektive.
“Ende nuk dihet numri i saktë se sa do të testohen sot”, tha një burim i Gazetës Sinjali.
Rezultatet e analizave do të dalin edhe për vajzën 20-vjeçare nga Gjakova që po dyshohet për koronavirus.
Deri më tani në Kosovë nuk është konfirmuar asnjë rast me koronavirus, Qeveria e Kosovës ka marrë disa vendime për parandalimin e përhapjes së pandemisë edhe në vendin tonë. /Gazeta Sinjali/