Tre persona janë rrahur mes vete dje rreth orës 13:35 në Lipjan, pas një mosmarrëveshjeje që kishin mes vete, shkruan Gazeta Sinjali.
Policia ka njoftuar se si pasojë e kësaj rrahjeje një person ka pësuar lëndime trupore dhe është dërguar në QKUK për trajtim mjekësor.
Kurse, policia në vendin e ngjarjes ka konfiskuar një brisk, teksa ka njoftuar se si pasojë e këtij rasti edhe një veturë është dëmtuar.
Me vendim të prokurorit njëri nga tre të dyshuarit është arrestuar dhe dërguar në mbajtje, ndërsa dy të tjetër janë liruar.