Pas një pune të gjatë dhe intensive, ditën e sotme në Tiranë, u nënshkrua marrëveshja për formimin e ligës së përbashkët në basketboll mes Kosovës dhe Shqipërisë.
Kampionati do të quhet “Liga Unike” dhe në të do marrin pjesë 8 skuadra (4 ekipet më të mira nga secili shtet).
Pas kësaj arritje historike, ka reaguar edhe tifo-grupi zyrtar i Kombëtares së Shqipërisë, “Tifozat Kuq e Zi”, të cilët e kanë mirëpritur këtë gjë.
“Shqipni Etnike në Ligë Unike. Sot basketbolli, le të vazhdohet me futbollin, volejbollin, tenisin, mundjen, boksin, e sportet e tjera” – ishte mesazhi i Tifozave Kuq e Zi.