image Qeveria e Kosovës e konfirmon: Kurti udhëton për në Bruksel, nesër takohet me Vuçiqin

Politikë

Qeveria e Kosovës e konfirmon: Kurti udhëton për në Bruksel, nesër takohet me Vuçiqin

news image

Qeveria e ka konfirmuar tashmë se kryeministri i Kosovës Albin Kurti, do të udhëtojë sot për në Bruksel, pasi nesër do të takohet me presidentin e Serbisë, Aleksandar Vuçiq.

Takimi mes palëve pritet të ndodhë në ditën kur sipas planit të Qeverisë parashihet të nis zbatimi i fazës së dytë për riregjistrimin e makinave me targa të paligjshme serbe, e cila parasheh gjobë prej 150 euro.

Pavarësisht se ende nuk është bërë publike agjenda, takimi pritet të përqendrohet në uljen e tensioneve mes dy vendeve.

Më 18 nëntor zëdhënësi i Bashkimit Evropian për Politikë të Jashtme dhe Siguri, Peter Stano, ka thënë se kanë ftuar kryeministrin e Kosovës, Albin Kurti, dhe presidentin e Serbisë, Aleksandar Vuçiq, në një takim për të gjetur zgjidhje për targat ilegale serbe.

“Ne i kemi ftuar të dyja palët me urgjencë në Bruksel për të gjetur zgjidhje evropiane, një zgjidhje evropiane për situatën aktuale, e cila është ndër më seriozet prej vitit 2013 dhe ky është qëllimi – që t’i kemi në Bruksel për të diskutuar me ta zgjidhjen”, ka thënë Stano.

/GazetaSinjali/