image Qeveria del me deklaratë pas takimit në Bruksel: Kurti prezantoi disa kapituj të marrëveshjes që duhet të bëhet me Serbinë

Politikë

Qeveria del me deklaratë pas takimit në Bruksel: Kurti prezantoi disa kapituj të marrëveshjes që duhet të bëhet me Serbinë

news image

Qeveria e Kosovës ka dalë me një deklaratë pas takimit të kryeministrit Albin Kurti me presidentin Aleksandar Vuçiq në Bruksel, me ndërmjetësimin e BE-së, në përpjekje për të normalizuar marrëdhëniet mes dy shteteve.

Në deklaratën e qeverisë është dhënë një pasqyrë e shkurtër mbi dy temat që ishin në agjendën e sotshme, në kuadër të takimit të tretë të nivelit të lartë mes Kosovës dhe Serbisë.

Sipas qeverisë, gjatë takimit Kurti ka kërkuar që marrëveshja ndërmjet Kosovës e Serbisë duhet të jetë ligjërisht e obligueshme për normalizimin e plotë marrëdhënieve, duke prezantuar disa kapituj për kornizën e saj.

“Sot kishte dy tema në agjendë. E para ishte diskutimi për Kornizën e Përgjithshme të Marrëveshjes. Kryeministri Kurti theksoi që kjo marrëveshje duhet të jetë ligjërisht e obligueshme për normalizimin e plotë të marrëdhënieve me njohje reciproke në qendër.

Ai prezantoi disa kapituj me elemente përkatëse që duhet t’i përmbajë kjo kornizë. Tema e dytë ishin çështjet aktuale politike e të sigurisë për të cilat

Kryeministri Kurti tregoi për rëndësinë e ligjshmërisë dhe kushtetutshmërisë në vendin tonë si garancione të paqes, sigurisë dhe barazisë për të gjithë qytetarët pa dallim”, thuhet në njoftim.

Deklarata e plotë:

Deklaratë mbi takimin e sotëm në Bruksel

Sot në Bruksel u mbajt takimi i tretë i nivelit të lartë mes Republikës së Kosovës dhe Serbisë.

Ky takim është dashur të mbahej me 19 korrik. Mirëpo, ai u pat shtyrë për muajin gusht me kërkesën e palës tjetër, gjersa Kryeministri i Republikës së Kosovës, Albin Kurti, pat shprehur gatishmërinë për pjesëmarrje.

Sot kishte dy tema në agjendë. E para ishte diskutimi për Kornizën e Përgjithshme të Marrëveshjes. Kryeministri Kurti theksoi që kjo marrëveshje duhet të jetë ligjërisht e obligueshme për normalizimin e plotë të marrëdhënieve me njohje reciproke në qendër. Ai prezantoi disa kapituj me elemente përkatëse që duhet t’i përmbajë kjo kornizë. Tema e dytë ishin çështjet aktuale politike e të sigurisë për të cilat Kryeministri Kurti tregoi për rëndësinë e ligjshmërisë dhe kushtetutshmërisë në vendin tonë si garancione të paqes, sigurisë dhe barazisë për të gjithë qytetarët pa dallim.

Kryeministri Kurti falënderoi Bashkimin Evropian, Borrel dhe Lajçak, për organizimin dhe ndërmjetësimin në këto bisedime, drejt normalizimit të marrëdhënieve bilaterale ndërmjet Republikës së Kosovës dhe Serbisë.

/GazetaSinjali/