Prokuroria Themelore në Prishtinë – Departamenti i Krimeve të Rënda, pak më parë ka njoftuar se gjatë operacionit që ka realizuar sot në koordinim me Policinë e Kosovës, ka identifikuar laborator të inprovizuar për prodhimin e substancave narkotike.
Një aksion i tillë është zhvilluar edhe gjatë ditës së djeshme. Në të dyja rastet janë sekuestruar sasi të konsiderueshme të bimëve narkotike.
Ministri i Punëve të Brendshme, Xhelal Sveçla, në rrjetin social Facebook, ka publikuar fotografi nga laboratorët e drogës që u zunë nga Policia e Kosovës dhe ka paralajmëruar një tjetër aksion.
“Dje në Grashticë, Sot në Prugoc, Nesër…”, ka shkruar ai.