Ashley Madison, administratore e një faqe takimesh për njerëzit që kërkojnë të fillojnë lidhje jashtëmartesore, raportoi në një deklaratë për shtyp se janari dhe shkurti janë muajt më të mëdhenj të faqes për regjistrime të reja. Avokatët e divorcit shtojnë se shohin një rritje të kërkesave për divorc pas pushimeve. Por, para se të arrijmë në atë pikë, ia vlen të bëjmë një hap prapa dhe të shohim se përse njerëzit janë të pabesë në fillim – veçanërisht gratë, punët e të cilave shpesh keqraportohen ose keqkuptohen.
Është e lehtë të rikthehesh në supozimet e vjetra se burrat kanë më shumë gjasa të tradhtojnë, me listën e zakonshme të justifikimeve (si për shembull se si nuk mund ta “mbajnë atë në pantallona”). Kjo po bëhet gjithnjë e më e pavërtetë me kalimin e kohës.
“Tradicionalisht, është argumentuar se gratë kanë më shumë gjasa se burrat të tradhtojnë sepse janë të pakënaqur me marrëdhëniet ekzistuese, ndërsa burrat kanë më shumë gjasa se gratë të tradhtojnë sepse janë në kërkim të shumëllojshmërisë seksuale ose të një mundësie të paraqitur”, thotë, Zhana Vrangalova, Ph.D., profesoreshë e seksualitetit njerëzor në NYU.
“Kjo është ende e vërtetë deri diku sot, por hendeku gjinor në tradhti po mbyllet midis brezave të rinj.”
“Në gjeneratat e vjetra, burrat kishin shumë më tepër gjasa të tradhtonin sesa gratë, ndërsa në brezin aktual gratë dhe burrat po tradhtojnë me ritme të ngjashme,” shton ajo.
“Dhe brezi aktual i burrave dhe grave janë më të ngjashëm në arsyet e tyre për të tradhtuar sesa gjeneratat e vjetra.”
Ekspertët thonë se tre arsyet kryesore që gratë tradhtojnë janë: mungesa e dashurisë për partnerin, dëshira për përvoja seksuale dhe faktorë të tjerë si janë të dehura ose me pushime. Alicia Walker zbuloi më shumë në librin e saj “Jeta sekrete e gruas që mashtron”.
Ajo zbuloi se gratë shpesh tradhtonin jo për të gjetur dashurinë diku tjetër por thjesht për të provuar përvoja të tjera seksuale. Ata argumentonin se nuk kishin më një lidhje të fortë seksuale me burrat e tyre dhe se tradhtinë e shihnin si një “mënyrë” për të shpëtuar martesën e tyre.
“Ata thonë shumë se: nëse nuk bëj diçka për ta trajtuar këtë, do të përfundoj duke ikur. Do të përfundoj duke thyer familjen time, duke thyer zemrat e fëmijëve të mi, duke thyer zemrën e burrit tim dhe unë thjesht nuk kam nevojë për këtë.”, u shpreh autorja e studimit.
Herë të tjera, gratë janë të pakënaqura në marrëdhëniet e tyre. Kjo nuk do të thotë se gratë që tradhtojnë janë gjithmonë në kërkim të shpëtimit të martesës së tyre. Ndonjëherë, është e kundërta: “Një nga arsyet kryesore që gratë tradhtojnë është për t’i dhënë fund një marrëdhënie, në të cilën kanë ngecur.
Shpesh ata janë me një partner që duket si një person i mirë, por është kontrollues, mbytës ose emocionalisht i padisponueshëm. Gruaja përpiqet të bëjë ndryshime, ta detyrojë partnerin të bëjë terapi në çift, ose ta shtyjë partnerin të rritet por kur gruaja nuk ia del mbanë në këto përpjekje, tradhton.”, thotë Charlynn Ruan, një psikolog klinik.