Dje në Vushtrri, katër qytetarë u gjobitën me nga 1000 euro, për shkak që nuk i respektuan rregullat e Qeverisë së Kosovës për ndalim qarkullimi të lëvizjes pas orës 21:00.

Këtë për Gazetën Sinjali e bëri të ditur drejtori i Inspekcionit në Vushtrri, Rrahim Ajeti, i cili tha se në një kafe në Vushtrri u janë shqiptuar gjoba me nga 1000 euro pronarit dhe 3 qytetarëve të Vushtrrisë.

“Pronari dhe 3 qytetarë u dënuan me gjoba në vlerë me nga 1000 euro. Nuk i respektuan vendimet e qeverisë”, tha Ajeti.

Qeveria e Kosovës po vazhdon inspektimin për personat që nuk i respektojnë masat e reja për ndalim qarkullimi të lëvizjes të qytetarëve nga ora 21:00 deri në orën 05:00./Gazeta Sinjali/