Rreth 40 qytetarë të Gjakovës pritën kot më shumë se dy orë sot për t’u vaksinuar kundër koronavirusit, raporton Gazeta Sinjali.
Ata u kthyen mbrapsht pas dy orë pritje, pasi që stafit mjekësor që po kryen vaksinimin i ka përfunduar orari i punës.
Një sinjalizues që ka qenë duke pritur aty nga ora 18:00 tha për Sinjalin se nuk arriti që të imunizohet sot kundër koronavirusit.
“Po, na kthyen të gjithëve. 40 persona. Na thanë ka mbaruar orari i punës. Do të provojmë prapë nesër”, tha ai për Sinjali./Gazeta Sinjali/