Policia njofton për një ‘tentim grabitje’ që ka ndodhur dje në Prishtinë. Një person ka raportuar në polici se derisa ishte duke punuar në vendin e tij të punës, aty kishin shkuar katër persona dhe nën kërcënimin e armës kishin tentuar të kryenin vjedhje.
Pasi të dyshuarit nuk kishin arritur të grabisnin asgjë ishin larguar nga vendi i ngjarjes.
Nuk raportohet për të arrestuar, policia po merret me rastin.
Njoftimi i plotë i PK-së:
Prishtinë, 19.05.2020 – 03:20. Viktima mashkull ka raportuar se derisa kishte qenë në vendin e punës aty kishin shkuar katër persona të maskuar të cilët nën kërcënimin e armës kishin tentuar të grabisin. Të dyshuarit nuk kishin arritur ta kryenin grabitjen dhe me një veturë ishin larguar nga vendi i ngjarjes. Nuk raportohet për të lënduar. Njësitë policore kanë dalë në vendin e ngjarjes dhe janë duke e hetuar rastin. /Gazeta Sinjali/