image Presidenti kroat pas takimit me liderët e Ballkanit Perëndimor: Osmani kërkonte shumë, disa gjëra u hoqën për shkak të Serbisë

Politikë

Presidenti kroat pas takimit me liderët e Ballkanit Perëndimor: Osmani kërkonte shumë, disa gjëra u hoqën për shkak të Serbisë

news image

Presidenti i Kroacisë, Zoran Milanoviq, deklaroi sot se u arrit një kompromis në takimin e procesit të “Brdo-Brijunit” mes liderëve të Ballkanit Perëndimor, shkruan Gazeta Sinjali.

Sipas tij, në këtë takim dikush duhej të hiqte dorë nga diçka, teksa përmendi shembullin e presidentes së Kosovës, Vjosa Osmani, që ishte më kërkuese.

“Le të themi se agjenda e Presidentes së Kosovës (Vjosa) Osmani ishte disi më ambicioze dhe se për shkak të kundërshtimit të Serbisë, disa pjesë duhej të hiqeshin”, tha Milanoviq.

Unë e shoh këtë si një çmim të pranueshëm për një dokument që është i mirë sepse, domethënë, Sllovenia dhe Kroacia janë këtu për të ndihmuar vendet që janë kryesisht në procesin e integrimit, në fazën ku ishim në 15 ose 20 vjet më parë. Motivet tona nuk janë as mentorim, as tutor, as ndonjë karrierë dhe përbërës biografikë për ndonjë prej nesh, por për të ndihmuar shtetet sepse ne shohim interes për këtë”, tha ai.

Në takim, i cili u zhvillua me dyer të mbyllura, pa prezencën e mediave, morën pjesë presidentja e Kosovës, Vjosa Osmani, presidenti serb Aleksandar Vuçiq, presidenti kroat, Zoran Milanoviq, presidenti i Shqipërisë, Ilir Meta, presidenti i Malit të Zi, Milo Gjukanoviq, anëtarët e Presidencës së Bosnjës, Millorad Dodik, Zheljko Komshiq, Shefik Gjaferoviq dhe presidenti i Maqedonisë së Veriut, Stevo Pendarovski.

Siç u raportua, në këtë takim, presidentja e Kosovës, Vjosa Osmani e kishte një përplasje me presidentin serb, Aleksandar Vuçiq. Gjithçka kishte nisur pasi pjesëmarrësit në samit morën iniciativë në fillim për të miratuar disa konkluzione sipas të cilave kufijtë në rajon janë të pandryshueshëm. Këtë e kundërshtoi presidenti serb, Vuçiq./Gazeta Sinjali/