image Porsche 924 shitet për 261 mijë dollarë

Automjete

Porsche 924 shitet për 261 mijë dollarë

news image

Porsche 924 Carrera GTS i vitit 1981 u shit në SHBA për 261.000 dollarë, që është një çmim më i lartë se sa Porsche 911 GT3 të ri, i cili është i disponueshëm për 161.000 dollarë, transmeton Gazeta Sinjali.

Porsche ka prodhuar vetëm 59 njësi 924 GTS, dhe kjo është një nga vetëm 15 njësitë ligjore për rrugë të pajisura me opsione Clubsport.

GTS Clubsport u krijua si një model homologimi për garat e Grupit FIA 4 dhe fillimisht ishte menduar për tregun Evropian. Është blerë nga pronari i parë nga qendra Porsche në Shtutgart, dhe pronari aktual e bleu në vitin 2014 dhe e mbajti në gjendje të përsosur.

Vetura mundësohet nga një motor 2.1 litërsh me katër cilindra me turbo që zhvillon rreth 280 kuaj-fuqi dhe është i shoqëruar me një kambio manuale me pesë shpejtësi dhe një diferencial me rrëshqitje të kufizuar.

Ndryshe nga modeli standard 924, ky model ka panele alumini të trupit, një kafaz mbrojtës të integruar, xham plastik anësor dhe të pasmë, rrota Fuchs 16-inç, pezullim Bilstein dhe frena të stilit 930 Turbo.

Vetura është në gjendje perfekte, ka kaluar më pak se një mijë kilometra. /Gazeta Sinjali/