Policia e Kosovës ka shpallë listën e rezultateve me shkrim të kandidatëve për zyrtar policor, shkruan Gazeta Sinjali.
Në njoftim thuhet se kandidatët që kanë arritur 70% e më lartë do t’i nënshtrohen testit të shkathësive fizike.
Njoftimi i plotë:
Policia e Kosovës shpallë listën e rezultateve të testit me shkrim të kandidatëve për zyrtar policor të cilët iu kanë nënshtruar testit me shkrim me datën 20.02.2023.
Kandidatët të cilët kanë arritur rezultatin 70% e më lartë do ti nënshtrohen testit të shkathtësive fizike. Testimi i shkathtësive fizike mbahet me datën 02.03.2023 në ora 10:00 në Akademinë e Kosovës për Siguri Publike (AKSP) në Vushtrri. Kandidatët duhet të paraqiten dy (2) orë para fillimit të mbajtjes së testit.
Kandidatët nga lista e publikuar, me vete duhet të kenë:
1. Numrin e aplikacionit (shih listat e shpallura),
2. Letërnjoftimin dhe
3. Veshje sportive.
Për më shumë informata rreth testimit të shkathtësive fizike, udhëzoheni ti referoheni udhëzimit për testimin e shkathtësive fizike i cili është i publikuar në ueb faqen e Policisë së Kosovës në rubrikën “Mundësi Punësimi”.
