COVID-19

Të infektuar

145

Të sheruar

23

Të vdekur

3

Pandemia/ Përgatitet spitali i katërt karantinë për të trajtuar të prekurit me koronavirus në Shqipëri

news image

Kryeministri i Shqipërisë, Edi Rama, Ministrja e Shëndetësisë, Ogerta Manastirliu dhe Ministri për Rindërtim, Arben Ahmetaj kanë vizituar ambientet e një ish-kampusi universitar i cili pritet të jetë spitali i katërt që do të presë personat e prekur nga koronavirusi, nëse numri i të infektuarve do të rritet më tej në vijim.

Ministrja Manastirliu paraqiti planin për transformimin e godinës ekzistuese në spital karantine për të cilën ajo tha se nevojiten disa ditë kohë.

“Kjo do të shërbejë si një spital karantinë me asistencën bazë mjekësore, do të shërbejë për ata pacientë që do të jenë më mirë nga koronavirusi, por që do të kenë ende nevojë për trajtim mjekësor. Kjo është pjesë e skenarit të katërt. Si fillim, kjo strukturë do të përgatitet për 80 shtretër”.

Ndërsa, kryeministri Rama la një afat kohor 30 ditor që të merren të gjitha masat që spitali i ri i parashikuar për karantinën të jetë gati.

Ndryshe, sot janë shënuar edhe 28 raste me koronavirus në Shqipëri. Në total numri i të infektuarve ka arritur në 174./GazetaSinjali/


Shpërndaje artikullin

Etiketat kryesore: