image Përfaqësuesja në hendboll luan sot një ndeshje historike, fitorja do t'i çonte afër Evropianit - Sinjali

COVID-19

Të infektuar

107629

Të shëruar

105200

Të vdekur

2250

Përfaqësuesja në hendboll luan sot një ndeshje historike, fitorja do t’i çonte afër Evropianit

news image

Kombëtarja e Kosovës në hendboll do të luajë sonte njërën nga ndeshjet më të rëndësishme në histori të saj, transmeton Sinjali Sport.

Djemtë tanë përballen me Malin e Zi, në kuadër të grupit tetë të fazës së dytë të kualifikimeve për Kampionatin Evropian 2022.

Fitorja e Kosovës do të dërgonte hendbollistët pranë ëndrrës për kualifikim në Evropian, që do të ishte arritje historike për një kombëtare ekipore.

Takimi luhet në ora 19:30 në Pallatin e Rinisë dhe Sportit në Prishtinë. Shkaku i pandemisë Covid 19, ndeshja zhvillohet pa praninë e shikuesve.

Pas katër ndeshjeve të luajtura, Kosova ndodhet e treta në grup me 3 pikë sa ka edhe Rumania e dyta. Suedia është e para me 6 pikë, kurse Mali i Zi ndodhet i fundit me 2 pikë nga tri ndeshje. Dy të parat sigurojnë kualifikimin, kurse katër kombëtaret me më së shumti pikë nga vendet e treta të 8 grupeve, po ashtu kualifikohen në Evropian. /Gazeta Sinjali Sporti/


Shpërndaje artikullin