Në 24 orët e fundit në Iran janë shënuar 157 vdekje të reja nga virusi i ri COVID-19, duke e çuar në 2.234 numrin e të vdekurve në vend.

Në lajmin e televizionit shtetëror të Iranit, zyrtari për marrëdhënie me publikun në Ministrinë iraniane të Shëndetësisë, Kianoosh Jahanpour ,tha se në vend janë shtuar 2,389 raste të reja duke e çuar në 29,406 numrin e të prekurve nga COVID-19.

Ai shtoi se deri më tani janë shëruar dhe janë liruar nga spitali 10,457 persona që janë trajtuar për shkak të koronavirusit.

Koronavirusi i ri për herë të parë në Iran u regjistrua në qytetin Qom më 19 shkurt dhe më pas u përhap në të gjitha rajonet e vendit./Gazeta Sinjali/