Një shkollë private në Tiranë ka vendosur që të ndërpresë mësimin për një periudhë dy javore për shkak të zhvillimeve të fundit të ndodhur në Itali me koronavirusin.

Lajmin e ka përcjellë ish- deputeti i LSI-së Petrit Vasili, i cili shkruan se shkolla private po mbyllet edhe pse në Shqipëri nuk ka asnjë rast të infektimit me virusin e rrezikshëm.

Vasili më tutje ironizon qeverinë duke i kujtuar se Ministrisë së Shëndetësisë dhe asaj të Arsimit, se s’mund të qëndrojnë si ‘hu gardhi’ në të tilla raste.

Postimi i tij:

Përse mbyllet një shkollë private kur nuk ka asnjë rast me koronavirus dhe asnjë të dyshuar ??

Kjo është një përhapje paniku e trashë.

Ç’bën Task Forca e shëndetësisë si mundet të lejojë këtë ?

Po Ministria e Arsimit pse rri si hu gardhi??

Për Kryeministrin nuk po pyes fare se nuk ja vlen të harxhoj kohën!! /Gazeta Sinjali/