Presidentja Vjosa Osmani e ka quajtur historik vendimin e aleancës ushtarake të NATO-s për t’i ftuar për anëtarësim Suedinë dhe Finlandën.
Sipas saj kjo i kontribuon paqes, sigurisë dhe stabilitetit, derisa ka theksuar se bashkimi në aleancën Veri-Atlantike është synim i Kosovës.
“Kosova aspiron t’i bashkohet familjes transatlantike për të përmbushur ambicien e qytetarëve tanë dhe për t’i siguruar liritë dhe vlerat e fituara me mund”.
Ndryshe, opinioni publik në Finlandë dhe Suedi mbështeti në mënyrë masive anëtarësimin, pasi Rusia nisi pushtimin e Ukrainës më 24 shkurt.