Në Turqi janë arrestuar 15 persona, pasi të njëjtit ishin përpjekur për të organizuar një marsh të Ditës së 1 Majit në kundërshtim të masave të bllokimit të koronavirusit.

Konfederata e Sindikatave Progresive të Turqisë, ose DISK, ka njoftuar se kryetari i saj Arzu Cerkezoglu dhe disa udhëheqës të tjerë të sindikatës u arrestuan pranë sheshit Taksim, ku ata donin të shtronin kurora me karafila, raporton Associated Press.

Zyra e guvernatorit të Stambollit tha që demonstruesit u liruan më vonë.

Deklarata shtoi se sindikata të ndryshme kishin lënë kurora në sheshin Taksim, siç lejohej nga zyra e guvernatorit, por që DISK kishte këmbëngulur që të marshonin kolektivisht në shesh, gjë që ishte në kundërshtim me rregullat e bllokimit dhe distancës sociale.