Një person me inicialet C.S., është arrestuar, pasi që i njëjti dyshohet se ka organizuar lojëra të fatit dhe bixhozit në Gjilan, shkruan Gazeta Sinjali.
Sipas policisë, lojërat organizoheshin në lokalin e personit të dyshuar, ku aty prezent ishin edhe shtatë persona, ndërkaq i dyshuari u intervistua në prani të avokatit mbrojtës.
Gjatë kontrollit si prova materiale janë konfiskuar një shtëpizë kompjuterike, një monitor, një printer, pesë televizorë, një telefon mobil dhe rreth 8.545 euro para të gatshme.
Me vendim të prokurorit, i dyshuari është dërguar në mbajtje për 48 orë.
