COVID-19

Të infektuar

1070

Të shëruar

841

Të vdekur

30

OBSH: Numri i mjekëve të infektuar nga COVID-19 është i lartë

news image

Numri i mjekëve dhe infermierëve të infektuar në të gjithë botën është shumë i lartë.

Këtë e ka bërë të ditur epidemiologia e OBSH, Maria Van Kerkhove e cila shprehet se numri i tyre është alarmant.

Ajo shprehet se në shumë shtete, 10 përqind e rasteve pozitivë të raportuar janë pjesë e stafeve mjekësore.

Në një deklaratë të bërë gjatë kësaj të hëne, Van Kekhove ngre pyetjen se përse ka kaq të infektuar në rradhët e mjekëve. OBSH është duke punuar për të reduktuar sa më shumë numrin e tyre.

Van Kerkhove tha që ata që janë infektuar brenda një spitali, shpesh vijnë në kontakt me një pacient në një repart që nuk është i pajisur për të trajtuar të ionfektuarit me Covid-19.

Të tjerët infektohen pasi kalojnë periudha të gjata kohore në reparte me raste aktive Covid-19, ku ka dhe mungesë të pajisjeve mbrojtjese dhe higjiena është  nën nivelin e duhur.

Kreu i OBSH, Tedros Adhanom Ghebreyesus thotë se pandemia nuk ka përfunduar ende.

Ai paralajmëroi që shumica e popullatës është akoma e ndjeshme ndaj infeksionit pasi shumë njerëz nuk kanë zhvilluar ende antitrupa kundër virusit.

Deri më tani në të gjithë botën numërohen më shumë se 4 milion të infektuar nga COVID-19 ndërsa mbi 285 mijë persona kanë humbur jetën. /Gazeta Sinjali/


Shpërndaje artikullin